به گزارش رک نیوز و به نقل از هرات تایمز:شهروندان آغاز سال نو “نوروز” را هرچند با شور و شوق کمتر، در سراسر کشور امروز جشن گرفته‌اند، در کابل، صدها تن از باشنده‌گان پایتخت روز دوشنبه مراسم جهنده را در منطقه کارته سخی کابل برگزار کرده‌اند.

هرچند همه ساله این جهنده با حضور مقام‌های بلندپایه دولتی برافرشته می‌شد، اما امسال برخلاف سال‌های دیگر بی حضور مقام‌های دولتی برافراشته شد.

پایتخت نشینان با تبریک گفتن نوروز، این روز را جشن گرفته‌اند.

محمد بصیر، باشنده کابل، گفت: «متاسفانه این برنامه (جهنده بالا) صبح وقت انجام شد که جمعیت بسیار کم حضور داشتند.»

شرکت کننده‌گان مراسم جهنده بالا از تفاوت نوروز امسال با سال‌های گذشته می‌گویند. بلال، باشنده کابل، گفت: «ما انتظار داشتیم که رهبران این مراسم را رسمی برگزار می‌کردند و مردم هم در کنار یکدیگر آنان را حمایت می‌کردند.»